Alcohol and Drug Addicts
Research Rehabilitation and
Treatment Centre
Research Rehabilitation and
Treatment Centre
Alcohol and Drug Addicts Research Rehabilitation and Treatment Centre, briefly known as ADARRT, was inaugurated by Mar. Sebastian Vayalil, the first Bishop of the Diocese of Pala, on 15th August 1984. It was registered on 28th September 1988 as a Charitable Society under the Travancore-Cochin Literary Scientific and Charitable Societies Registration Act XII of 1955. it is fully committed to the work of Treating Alcoholics and Drug Addicts and propagating the preventive strategies.
State Govt. award for Best IRCA in 2013
Central Govt. Award for Best Awareness Programme in the year 2016
വ്യക്തി ശാരീരികമായി രോഗിയായി മാറുന്നു. പ്രധാന അവയവങ്ങളായ തലച്ചോറ്, നാഡീവ്യൂഹം, ഹൃദയം, ശ്വാസകോശം, കരള്‍, ആമാശയം, വൃക്കകള്‍ എന്നിവയുടെ പ്രവര്‍ത്തനങ്ങളെ ലഹരി ഉപയോഗം ക്രമാനുസൃതമായി തകര്‍ക്കുന്നു.ശാരീരികശേഷിക്കുറവ്, ഷണ്ഡത്വം, ഗര്‍ഭം അലസല്‍, അംഗവൈകല്യമോ ബുദ്ധിമാന്ദ്യമുള്ളതോ ആയ കുട്ടികളുടെ ജനനം എന്നിവയ്ക്കും ലഹരിയുടെ അമിതമായ ഉപയോഗം കാരണമാകും. വിശപ്പില്ലായ്മ, കാഴ്ച നഷ്ടപ്പെടല്‍, ആരോഗ്യം ക്ഷയിക്കല്‍, ആകസ്മിക മരണം, ആയൂര്‍ദൈര്‍ഘ്യം കുറയ്ക്കല്‍ എന്നിവയ്ക്കും ലഹരി ആസക്തി കാരണമാകുന്നു.
മാനസിക വിഭ്രാന്തി, മനോരോഗങ്ങള്‍, ആകാംക്ഷ, ഉത്കണ്ഠ, വിഷാദം, ഭയം ആത്മധൈര്യക്കുറവ്, അപകര്‍ഷതാബോധം, അമിതമായ കുറ്റബോധം, എന്നിവയ്ക്കും മറ്റുള്ളവര്‍ തന്നെ വെറുക്കുന്നു എന്നറിയുമ്പോഴുള്ള സ്വയം വെറുപ്പിലേയ്ക്കും മദ്യപന്‍ നീങ്ങുന്നു. ഈ അവസ്ഥ മദ്യപന്‍ വീട് വിട്ടുപോകുവാനോ ആത്മഹത്യ ചെയ്യുവാനോ കാരണമാകുന്നു.
രോഗങ്ങളാണു മനുഷ്യനെ ദൈവത്തിലേയ്ക്ക് ഏറ്റവുമധികം അടുപ്പിക്കുന്നത്. എന്നാല്‍ മദ്യത്തിനും മയക്കുമരുന്നിനും അടിമപ്പെട്ട വ്യക്തി ഓരോ നിമിഷവും ദൈവത്തില്‍ നിന്നകന്നുകൊണ്ടിരിക്കും. ധാര്‍മ്മികമൂല്യങ്ങളും സദാചാരബോധവും ഈശ്വരവിശ്വാസവും നഷ്ടപ്പെടുന്നു.
മദ്യപാനമെന്ന രോഗത്തിന്റെ വേദന മദ്യപന്‍ അറിയുന്നില്ല. വേദനകളും ദുഖങ്ങലും ദുരിതങ്ങളും എല്ലാം അനുഭവിക്കേണ്ടി വരുന്നതു ഭാര്യയും മാതാപിതാക്കളും കുട്ടികളുമാണ്.
മദ്യപന്റെ സാമൂഹിക ബന്ധങ്ങള്‍ തകരുന്നു. അക്രമങ്ങളും വഴക്കു കളും മദ്യപനെ കുറ്റവാളിയും ദുഷ്ടനും ആക്കിത്തീര്‍ക്കുന്നു. സമൂഹത്തിന്റെ ധാര്‍മ്മിക-സംസ്‌കാരികത്തകര്‍ച്ച ഈ രോഗം മൂലം സംഭവിക്കുന്നു. നഷ്ടമാകുന്ന മനുഷ്യശക്തി, ചികിത്സയ്ക്കായി മാറ്റിവെക്കേണ്ടി വരുന്ന ഭീമമായ തുക, അപകടം മൂലം വരുന്ന ദുരിതങ്ങല്‍ തകരുന്ന കുടുംബന്ധങ്ങള്‍, ദുര്‍വിനിയോഗിക്കപ്പെടുന്ന ധനം, മുദ്യവ്യവസായികള്‍ കുത്സിത മാര്‍ഗ്ഗത്തിലേയ്ക്കു ഒഴുകുന്ന പണം ഇതൊക്കെ സാമൂഹിക രോഗത്തിന്റെ ലക്ഷണങ്ങള്‍ മാത്രം.